ВЕЧАРЫНА ПЕРАНЕСЕНА Звяртаю вашу ўвагу, што ў праграме Паэтычнага тэатра "Арт.С" на лістапад адбыліся змены. Вечарына памяці Яўгеніі Янішчыц "Краю блаславёнага дачка" адбудзецца не 21, а 28. Правядуць яе Зміцер Арцюх і Людміла Баяўчук. Чакаем на галоўнай пляцоўцы. Падрабязнасці будуць пазней у нашай рубрыцы "АБВесткі".
ВІНШУЕМ! 18 кастрычніка дзень народзін святкуе ўдзельніца Паэтычнага тэатра "Арт.С" паэтка і літаратуразнавец, аўтарка кнігі "Аўтапартрэт" Тацяна Барысюк. Мы шчыра віншуем яе і жадаем творчага плёну. Зараз Тацяна рыхтуе да друку новую кнігу, займаецца выхаваннем сваіх дзяцей і прымае актыўны ўдзел у вечарынах.
"Для мяне творчасць – сродак самапазнання і самавыяўлення, спроба вынайсці новае, развіваючы патэнцыял традыцыйнага, асэнсаваць тое, што мне блізка і што хвалюе. Гэта надзея застацца ў сваіх вершах пасля фізічнай смерці, спроба выказаць сваё светаўспрыманне праз вобраз адметнай лірычнай гераіні, у якой свой лёс, біяграфія, вонкавы выгляд і духоўны шлях”, – прызнаецца Тацяна.
Самая шалёная сустрэча з усіх сустрэч задыякальна-паэтычнага праекту "12 сузор'яў" адбылася ў Літаратурным музеі Максіма Багдановіча. Хапіла ўсяго: ад п'янага гледача да няўрымслівага дзіцяці (сына адной з удзельніц). Вечарына была прысвечана Шалям і прайшла 9 кастрычніка 2008 года. У ёй прынялі ўдзел пісьменнікі, мастакі, музыкі Аляксей Чубат, Тацяна Барысюк, Максім Клімковіч, Тамара Габрусь, Зміцер Сідаровіч, Валерыя Кустава, Ганад Чарказян. Мастацкае афармленне залы Тацяны Вільджанавай. Астролаг Людміла Кандратава распавяла цікавосткі з гараскопу вядомага класічнага беларускага прадстаўніка сузор'я Шалі Міхала Клеафаса Агінскага. Прадмовай да вечарыны быў верш гаспадара дома "Зіянне месяца".
Сацыяльны аддзел Мінскай епархіі Беларускай Праваслаўнай Царквы і Паэтычны тэатр "Арт.С" працягваюць сумесны дабрачынны праект "А верш імкнецца да нябёсаў". На гэты раз імпрэза ладзілася 12 кастрычніка ў Палацы мастацтва ў Мінску, дзе праходзіў "Пакроўскі кірмаш". Выступы былі прысвечаны Божай Маці і жаночым вобразам - мамам, бабулям, сёстрам, каханым, якія з`яўляюцца захавальніцамі жыцця, дораць радасць, любоў і пяшчоту ўсяму жывому. З уступным словам выступіў айцец Алег Шульгін (кіраўнік Сацыяльнага аддзела), далей сваё святло прысутным дарылі Рэгіна Багамолава, Юлія Новік, Людміла Баяўчук, Зміцер Арцюх, гурт "Ключ", валанцёр Сацыяльнага аддзела Сяргей Ерахавец і выканаўчы сакратар саюза сястрыцтваў Алена Зенкевіч. Ахвераванні прысутных былі накіраваны на падтрымку шматдзетных і маламаёмасных сем'яў.
У "Камсамолцы" за 7-га кастрычніка прачытала рэкламу вашай вечарыны Шаляў. Збіраюся прыйсці. Шкада толькі, што там коратка напісана і не сказана, што сустрэча рыхтуецца Паэтычным тэатрам. Вашыя вечарыны цудоўныя!
Шалёная сустрэча Паэтычны тэатр Арт.С” у Літаратурным музеі Максіма Багдановіча п р а д с т а ў л я е задыякальна-паэтычны праект “12 сузор’яў” Сустрэча адзінаццатая: Шалі. У вечарыне бяруць удзел: - архітэктар Тамара ГАБРУСЬ - музыкі: Любоў ВЯСЁЛКІНА, Валерыя КУСТАВА, Зміцер СІДАРОВІЧ - пісьменнікі: Тацяна БАРЫСЮК, Леанід ДРАНЬКО-МАЙСЮК, Максім КЛІМКОВІЧ, Ганад ЧАРКАЗЯН, Аляксей ЧУБАТ * Астролаг Людміла КАНДРАТАВА распавядзе цікавосткі з гараскопу вядомага беларускага прадстаўніка сузор’я Шалі Міхала Клеафаса АГІНСКАГА
Вядоўцы: Зміцер АРЦЮХ і Аксана СПРЫНЧАН.
Чакаем 9 кастрычніка 2008 года ў 18.00 у музеі Максіма Багдановіча на вуліцы Багдановіча, 7а.
Віншую Аксану Спрынчан з публікацыяй матэрыялу пра яе (і наш Паэтычны тэатр) у сённяшнім нумары газеты "СБ". Матэрыял называецца "Хозяйка Осени, директор зодиака".
А верш імкнецца да нябёсаў Паэтычны тэатр «Арт.С», Сацыяльны аддзел Мінскай епархіі Беларускай Праваслаўнай Царквы прадстаўляюць літаратурна-музычную імпрэзу на “Пакроўскім кірмашы” “А верш імкнецца да нябёсаў”, прысвечаную Божай Маці і жаночым вобразам – мамам, бабулям, сёстрам, каханым, якія з`яўляюцца захавальніцамі жыцця, дораць радасць, любоў і пяшчоту ўсяму жывому. Уступнае слова айца Алега Шульгіна, кіраўніка Сацыяльнага аддзела Мінскай епархіі. У праграме таксама бяруць удзел: Зміцер Арцюх, Рэгіна Багамолава, Людміла Баяўчук, народная артыстка Беларусі Марыя Захарэвіч, Алена Зенкевіч, гурт “Ключ”, Юлія Новік, Наталля Пушкарова.
Чакаем 12 кастрычніка 2008 года ў 14.00 Мінск, вуліца Казлова 3, Палац Мастацтваў
Восень і іншыя коткі Паэтычны тэатр “Арт.С” адкрыў другую дзею сезону вечарын 2008 года. 23 верасня на галоўнай пляцоўцы адбылася вечарына-фарс “Восень і іншыя коткі”. Яна сталася самай шыкоўнай вечарынай верасня. Аўтарка – Аксана Спрынчан – распрацавала шыкоўны сцэнар, а дызайнеры Тацяна Макарэвіч і Тацяна Пратасевіч шыкоўна аформілі залу, выступоўцы ж шыкоўна чыталі свае і чужыя творы, шыкоўна распавядалі пра шыкоўных істот – котак. У праграме прынялі ўдзел: Рагнед МАЛАХОЎСКІ, Алена МАСЛА, Віктар ШНІП, Наталля ПУШКАРОВА, Рэгіна БАГАМОЛАВА, Сяргей ВЕРАЦІЛА, Уладзіслаў АХРОМЕНКА, Яраш МАЛІШЭЎСКІ. Да таго ж усе жадаючыя змоглі пафарсіць альбо фарсануць, паразмаўляць па-фарсі, узгадаць шляхотныя часы, калі ўпершыню фарсануў за жывое фарс-вадэвіль “Пінская шляхта”, а таксама фарсіравалі тое, што фарсіруецца. Яшчэ важная падзея адбылася на вечарыне 23 верасня. Гледачам быў прадстаўлены інтэрнэт-сайт Паэтычнага тэатра “Арт.С”. Вядоўцы Зміцер Арцюх і Аксана Спрынчан раздалі рэкламную прадукцыю і запрасілі ўсіх наведваць Сеціва, знаёміцца з працай стваральнікаў сайта.
СЯБРЫ! Цяпер інфармацыю пра вашых любімых паэтаў і паэтак, бардаў, акцёраў - удзельнікаў Паэтычнага тэатра "Арт.С" - можна чытаць у адпаведнай рубрыцы. Паважаныя ўдзельнікі, калі вы жадаеце нешта змяніць на сваёй асабістай старонцы, то свае прапановы дасылайце, калі ласка, на адрас dmitri_artuh@tut.by. Вы можаце даслаць свае фотаздымкі, аўтабіяграфію, а таксама вершы, тэксты песень, іншыя творы, якія вы лічыце сваёй візітоўкай.
Вiдэа пра Тацяну Барысюк тут; 
25.11.10 21:12
Вашыя вечарыны цудоўныя! 
16.12.10 22:27
16.12.10 22:27
16.12.10 22:26
